mma

yimma"mma"

Tgit amm wayur g ignna

Titrite g ulinw a yinna

G tassa nem tridagh aflla

Dina nkka, dinna g nlla

************

Tkidvi tudert d may ihlan

Tatchidv ghifi timariwin ihran:

Tifawt d tagerst gan amm wuzal

Tafsut d ssif d lhma n uzal

*************

Rbi akm ihafdv ima yixxan

A tudert n uxam ameqran

Mk xdvigh ad allagh imtawn

Uddur inw adak sfun wulawn

*************

Kmin d aytma, munataghd ang tamghra

Nfarh gragh, unna yagh uririn han bra

Afad nrar tamzit d wussan

Tilligh n izghi d lqissat n zman;

*************

Righam tudert n lhna d tatfi

Awdyan at urtagh tghufi

Nlla, urnlli, ulawn negh melmalan

Samhi, tardvudv ghifi a mayd ihlan

ANЖAR

ANЖAR

ANЖAR

Ttiqs a tignut

Utt a yanzar

Ad isw imandi

Tasimt a tirgin

Ψ Ψ Ψ Ψ Ψ Ψ Ψ

Tazla a yaman

Sfuwat aflla n wakal

Adagh ifgh fad

Sfunagh wulawn

Ψ Ψ Ψ Ψ Ψ Ψ Ψ

Sud a yazwu iεzan

Ksas agdrur a wudm yallan

Tankard tizizut isfan

D uldjig n tafsut iεlulan

Ψ Ψ Ψ Ψ Ψ Ψ Ψ

Afrag gragh d mayxan

Tagerst d ughyi n wuccan

Sugratagh s dat d mayhlan

Mk tram adagh mliln wussan

TAYRI

Tayri

Ger iwaliwen

D itfaghen imawen

Ar tsmun ulawen

Tzwu imtawen

************

Afen mayd illan

Tuyenan I maydak ihlan,

Aytga tayri iεlulan

Grasen alig melmalan

***********

Umnaghtn ligh git nnan

Tayri amm tamimt ammas n usnnan

Tzri tamanw amm wusman

Diyiwin angi i3marn s waman

***********

Xf yat tarbat adawn

εawdagh tayri ur ilin ismawn

Ilis n mdan rzamgham ull d wurawn

Righkm, alig ulligh imtawn

***********

Ligh gam nigh: “dakm tirigh”

Ah, ayayd icqqa: “urigh”

Tnnat zgagh ar turigh

Iwti xamuc, yaghi awd yiwrigh

************

Gigh zunkm ttugh

Asirm inw adigh bdugh

Afgh mayed bttugh

Tnna isan i tayri ursar tattugh…

IWADUNW

IWADUNW

Assa bdeln ghifi itran

Aghuln gan usman

Tigniw tar aman

Isignew ih’man

Assa bdeln ghifi wudmawen

Imddukal gan I3dawen

Tayri tga imttawen

Qqimigh bla ifrawen

Assa ibdel ghifi uCenyal

Ungal iga amllal

Ammas n yid iga Azal

Ur sllagh yad I wawal

Asnat amm uskka zund assa

Tiwirga inw itchatent ulfssa

Ifghid amm tat ar itssa

Yayl digi wazzar taghi tassa

Zrin wussan uchkigh

Zligh ur ssingh manin righ!

Brigh mk sawlgh negh festigh!

Urs mantur arad iligh!

Titrit N Gid

Titrit N Gid

Zligh ammas n tillas

Gigh Itri war aytmas

Nebda ger yid d was

Ursingh max! usinti Tiyssas

*********

Mqqar iwt unzar n yitrran

Ingid wasif n wusman

Iqqim Yil bla islman

Anaruz nem urt kissen waman

*********

Tbnid, tzdaghd g wul inw

Righkm i tudert inw

Tgid Assid i wussan inw

Asafar i unzwum inw

**********

Tayri nem gighas awnul

Tzri g wulinw Azmmul

Mantur ar-ad Nughul?

Afus g ufus, Ul i Wul...

UNNA MI QQISGH!

UNNA MI QQISGH!

Unna mi qqisgh yiniyi: ttu

Ulinw yugi akm izhu

Ighfinw ira ad iddu

Timmi3dert nghed udduhdu!!

Unna mi nnigh yiniyi: uhu

Ur tgi tayri, ula adghu

Nk ugmagh g ughbalu

Irifi ikkad agensu

Unna mi sawlgh yiniyi: bttu

Iga asafar, iga afukku

Nk ttukrafgh s ugatu

Ulinw iga achengu

Unna mi allagh iki: rh'u

Iga azmmul g yan uzru

Nk yiwyi uzwu

Amm ifer n yan usklu

Arbi irghan

Arbi irghan

Kuyan yiwid Ul ibri

Tasa da talla g ifesti

Awal ituzlag g imi

Imttawn 3man izri

An ddugh, azld zari

Agham aldjig, awid tazdgi

Urawn nw gan Tigmmi

I wan g illa irifi

Asudm irra titi n Ugari

Yiwi tiysas n tghufi

Seg wul i wul s imi

Nssur tatssa ula tatfi…

ITBIRN

ITBIRN

Sghert a mma d istma

Righ timnadin d isfra

Itbirn aghuln-id assa

Ur lin akarif, kkan ignna

Azzel a tarbat ula arba

 Abrid ngh hatin issudda

Sgulun anghmes I aytma

Tamunt, nra Tawada

Gatagh Ah’idus I tmaghra

Nini izlan d twira

Itbirn: tamatart n ufra

Tillelli I ufgan yugin lh’agra

Titi g wul I ibuxxa

Ur irin I tmazirt aflla

Irin ad nqqim aha imdulla

Ttun ngayasen : Gar Tiwirga

Mer Ufigh

Mer ufigh, ur izrri yid

Ad nssigh Tiftilin

Mer ufigh, urd italy usid

Ad nssigh taCmEin

Azawan ifestan

Asfru d udinan

Arbi irghan

Ayyur d yitran

Izri s izri

Ninniy itri

Imi g imi

Nesmun taguni

Asintagh Tiysas

Afus war assas

Igufi iseh’as

Tatfi sllas

Mer ufigh, bddin wussan

Ad nssur taghufi

Mer ufigh, jjin irafan

Ad nssur tayri

Ghalgh !

Ghalgh id ad siwlgh

Afgh mayd isfliden



Ghalgh id ad festagh

Afegh mayd isawaln



Ghalgh id ad tssagh

Afgh tatfi n tudert



Ghalgh id ad allagh

Afgh afukku n unzwum



Ghalgh id ad gengh

Afgh aswunfu n twangimt



Ghalgh id ad nkergh

Afgh anfara ger wuCCan



Ghalgh id ad aCkegh

Afgh ansa id yussan



Ghalgh, ghalgh, ghalgh…

War ol

A wan Itddun

Tawada N Ulghem Awssar

A wan Izlan

Tgid Mden d amm yizan

...

Ixemjak Ulni

Ijjuyak imi

Urtgid ghir izi

Ur yanay izri

...

Yuda tesbartud

Tgid Amzlud

Adur tettud

Urnnan tgulud

...

Tgid Astssu

Inker wadu

Tusid Asafu

N Txxut d bettu

…

G amm Waman

Dinna kkan Knan

G amm Itran

G ignwan ssuddan

…

Zwur i Tsurift alni

Zddig Ul s tayri

Ini Samh’i, Surfi

Tatfi nra a tili